Électricité de France (EDF), Framatome және Arabelle Solutions Қазақстанға атом электр станциясын (АЭС) салу жобасын іске асыруда қолдау көрсетуге дайын. Бұл ақпарат Қазақстанның энергетика министрі Алмасадам Саткалиевтің атом саласындағы жетекші француз компанияларымен жүргізген келіссөздері барысында белгілі болды, деп хабарлайды Kapital.kz бизнес ақпарат орталығының тілшісі ведомствоның баспасөз қызметіне сілтеме жасап.
Қазақстан делегациясы EDF энергетикалық компаниясының және атом электр станцияларының операторының өкілдерімен, АЭС үшін жабдықтар әзірлеушісі және өндірушісі Framatome-мен, сондай-ақ АЭС үшін турбиналық жабдықтарды жеткізуші Arabelle Solutions-мен келіссөздер жүргізді. Инженерлік қызметтер, жобаларды басқару және атом электр станциялары секілді күрделі инфрақұрылымдық нысандар үшін цифрлық шешімдер бойынша маманданған Assystem халықаралық консалтингтік компаниясының өкілдерімен де кездесу өтті.
«Француз тарап Қазақстанға атом электр станциясын салу жобасын іске асыруға қолдау көрсетуге дайын екенін білдірді. Францияда атом энергетикасы өндірілетін электр энергиясының шамамен 70%-ын құрайды, бұл саладағы әлемдік көшбасшы болып табылады. EDF компаниясы Қазақстан үшін ядролық технологиялардың әлеуетті жеткізушілері тізіміне енгізілді», - деп түсіндірді Энергетика министрлігінде.
РК делегациясы сондай-ақ Радициялық қорғау және ядролық қауіпсіздік институтының (IRSN) дағдарыс орталығына және АЭС жабдықтарын өндіретін зауытқа барды. Визит аясында сыртқы сауда және шетелдегі француз азаматтары мәселелері бойынша делегат министрмен, энергетика мәселелері бойынша делегат министрмен және Францияның энергетика және климат жөніндегі директорынымен кездесулер өтті.
2024 жылдың қараша айының басында Қазақстан президенті Électricité de France (EDF) компаниясының бас директоры Люк Ремонды қабылдады. Кездесуде энергетика саласындағы ынтымақтастықтың перспективалары талқыланды. Президент жалпыұлттық референдумның нәтижелері бойынша Қазақстан азаматтарының басым көпшілігі елдегі алғашқы атом электр станциясының құрылысын қолдағанын айтты. Өз тарапынан Люк Ремон компанияның «Казатомпроммен» өзара тиімді серіктестікті жалғастыру ниетін растады. Ол сондай-ақ жаңартылатын энергетика саласындағы перспективалық жобаларды жүзеге асыру бойынша өз ұсыныстарын білдірді.