Ұшулар аптасына екі рет — сәрсенбі және сенбі күндері Airbus A321LR заманауи және кең лайнерлерінде жүзеге асырылады.
Жоспар бойынша, КС 599 рейсі Алматыдан 00:55-те ұшып, келесі күні жергілікті уақытпен 10:05-те Данангқа жетеді. Кері бағытта КС 600 рейсі 11:45-те ұшып, Алматыға 17:00-де қонады. Жол жүру уақыты 7 сағат 10 минутты құрайды.
Билеттерді airastana.com ресми сайтынан сатып алуға болады. Эконом-класс бойынша екі жаққа билет құны 360 701 теңгеден, бизнес-класс бойынша 1 001 804 теңгеден басталады, бұл барлық салықтар мен әуежай алымдарын қамтиды.
Осы маршруттың енгізілуімен Air Astana Вьетнамға аптасына жалпы тоғыз рейсті арттырады. Данангқа рейстерден бөлек, Алматыдан Нячангқа аптасына төрт рет, ал Астанадан Нячангқа үш рейс қатынайды. Сондай-ақ, Фукуок аралына әуе қатынасы 2025 жылдың 31 наурызына дейін жұмыс істейді.
Айтпақшы, Қазақстан азаматтарына Вьетнамға сапар үшін виза қажет емес, бірақ визасыз болу мерзімі 30 күнмен шектеледі.