Мегаполис басшысы цифрлық трансформацияның жаңа жетістіктерімен танысты. «Индустрия X» аймағында қазақстандық технологиялық компаниялар ірі өнеркәсіптік кәсіпорындарда енгізілген табысты жобаларды таныстырды. «Индустрия X» алдыңғы қатарлы технологияларды, оның ішінде тиімділікті, сапаны және өндірістегі өнімділікті арттыру үшін жасанды интеллектті пайдалануды көздейді.
Орталық Азияның цифрлық хабы ретіндегі Алматы дәстүрлі түрде форумның өткізілетін орны болды. Биылғы жылы 300-ден астам халықаралық сарапшылар қатысуда, олар 40-тан астам панельдік сессия аясында нақты экономика секторындағы цифрлық технологияларды қолданудың табысты кейстерін ұсынатын болады.
Айта кету керек, Қазақстанның IT-компанияларының шамамен үштен бірі Алматыда шоғырланған. Қала басшысының тапсырмасы бойынша жүзеге асырылған Алматы IT-экожүйесін дамыту бағдарламасының арқасында, стартаптарды дамыту және қолдау мақсатында, соның ішінде ақылды қалалар, жасанды интеллект, үлкен деректер және тұрақты даму бойынша, тартылған инвестициялардың жалпы сомасы 19,2 миллион АҚШ долларын құрады, ал стартаптардың жиынтық табысы 5,37 миллиард теңгеге жетті. 2 049 жұмыс орны құрылды.
Мегаполисте Almaty Cyber Games (ACG) жобасы сәтті дамуда, оның мақсаты Алматыны аймақтың киберспорт және ойын индустриясының орталығына айналдыру. 2024 жылы ACG International Tencent Games 2024 халықаралық турнирі өтті.
Акселерациялық және инкубациялық бағдарламалар 309 стартапты сәтті аяқтады, олардың 16-ы халықаралық нарықтарда сатылымдарын растады.
Сонымен қатар, Алматыда алғаш рет қала тұрғындарының қауіпсіздігін қамтамасыз ету үшін видеоаналитика және жасанды интеллект қолданылды. 2023 жылы әкімдік мемлекеттік білім беру және мектепке дейінгі мекемелерде кешенді қауіпсіздік жүйесін енгізді. Алматының табысты тәжірибесін қабылдай отырып, елдің басқа өңірлері де осы технологияны енгізуді бастады. Біріңғай видеомониторинг жүйесінің аясында жылдың соңына дейін біртұтас желіге интеграцияланған қалалық камералардың саны 70 мыңға дейін артады.