Жапон автокөлік өндірушілері Honda Motor мен Nissan Motor бизнес интеграциясы туралы келіссөздерді тоқтату мүмкіндігін қарастыруда, деп хабарлайды Asahi Shimbun газеті бірнеше дереккөздерге сілтеме жасап, Интерфакс-Қазақстан жазады.
Олардың айтуынша, Honda Nissan-ға компанияны еншілес кәсіпорын ету ұсынысымен жүгінген. Алайда Nissan бұл ұсынысқа қарсы болды. Бұрын жоспарланғандай, екі автокөлік өндірушісі бір холдингтік компанияның «еншілес» кәсіпорындары болмақ еді.
Honda мен Nissan-ның директорлар кеңестері сәрсенбіде келіссөздердің мүмкін болмауын талқылау үшін кездеседі деп күтілуде.
Компаниялар бизнес интеграциясы туралы ниет хаттамасын желтоқсан айының соңында қол қойған. Егер олар бірігетін болса, әлемдік нарықтағы сатылым көлемі бойынша үшінші автокөлік өндірушісі құрылуы мүмкін.
Nissan акцияларының бағасы 4,9%-ға төмендесе, Honda акциялары сәрсенбіде 11%-дан астамға көтерілді.
Еске сала кетейік, 2024 жылдың соңында жапон автокөлік өндірушілері Honda Motor мен Nissan Motor Жапония Үкіметіне бірігу туралы келіссөздерді бастау жоспары туралы хабарлаған. БАҚ Nissan-ның якорлық инвестор іздеп жатқанын жазған. «Бізде аман қалу үшін шамамен 12-14 ай бар», - деді FT-ге Nissan-ға жақын дереккөз.