2025 жылы 24 әлеуметтік маңызы бар әуе бағыттары жүзеге асырылатын болады, деп хабарлайды Kapital.kz бизнес ақпарат орталығы министрліктің баспасөз қызметіне сілтеме жасап.
«2025 жылы 24 әлеуметтік маңызы бар әуе бағыттарын отандық авиакомпаниялар орындамақ. Аймақтардың көлік қолжетімділігін арттыру және Қазақстан қалалары арасындағы әуе қатынасын жақсарту, сондай-ақ жолаушылар сұранысын қанағаттандыру мақсатында 2025 жылға әлеуметтік маңызы бар әуе тасымалдарын орындауға авиакомпанияларды анықтау бойынша конкурс рәсімдері аяқталды», - деп атап өтті министрлікте.
Ведомствода субсидияланатын бағыттардың тұрғындарға қолжетімді бағамен саяхат жасауға мүмкіндік беретінін және ішкі әуе нарығын дамытуға септігін тигізетінін айтты.
0 1 2 Жоғарыда аталған әуе бағыттары бойынша билеттер авиакомпаниялардың ресми сайттарында сатып алу үшін қолжетімді.
Бұған дейін Qazaq Air авиакомпаниясы 4 қаңтардан бастап Костанай – Түркістан бағытында және 13 қаңтардан бастап Қарағанды – Түркістан бағытында екі субсидияланатын рейсті іске қосқанын хабарлаған болатын. Сонымен қатар, 13 қаңтардан бастап Астанадан Түркістанға әуе рейстерін бастау жоспарлануда.