Қазақстан болашаққа инвестиция салады: 5 жастан басталатын білім жинақтау жүйесі.

Бірінші түзетулер блогы «Келешек» бірізді ерікті жинақтау жүйесін енгізу мақсатында әзірленген, ол бес жастан бастап балаларды қамтитын мемлекет тарапынан бастауыш білім капиталы, жыл сайынғы мемлекеттік сыйлық және инвестициялық табыс қарастырады.

Біржолғы бастауыш білім капиталы 2025 жылы 5 жасқа толатын және одан кейінгі жылдары балаларға, Білім және ғылым министрлігі бекітетін Бастауыш білім капиталының есептеу, пайдалану, қайтару ережелерінде көрсетілген мөлшерде беріледі.

Жыл сайын 5% мемлекеттік сыйлық және әлеуметтік осал топтардан шыққан балалар үшін 7% мөлшерінде қарастырылған Мемлекеттік білім беру жинақтау жүйесімен бірге «Келешек» жүйесі техникалық, кәсіби, орта білімнен кейінгі, жоғары және магистратура білім алуға, сондай-ақ тұрғын үй жағдайларын жақсартуға арналған қаражат жинақтауға мүмкіндік береді.

Екінші түзетулер блогы креативті индустрияны қолдауға арналған шаралар пакетін қамтиды, оның ішінде әр облыс орталығы мен ірі қалада креативті индустрия орталықтарын құру, өнімдерін коммерцияландыру мәселелері бойынша қатысушыларға көмек көрсету.

Бұдан басқа, креативті индустрияны дамытуға көмек көрсететін арнайы заңды тұлға («Креативті индустрияларды қолдау қоры») жұмыс істей бастайды. Қор таланттарды іздеу және ілгерілету, креативті жобалар мен қызметтердің коммерциялануына көмек көрсету, сондай-ақ оларды әлемдік нарықтарда ілгерілету жұмыстарын жүргізетін болады.

Сонымен қатар, уәкілетті орган (Мәдениет және ақпарат министрлігі) креативті индустрияға мемлекеттік қолдау мен ынталандыру ережелерін әзірлеу және бекіту құқына ие болады, ал облыс, республикалық маңызы бар қала және астана жергілікті атқарушы органдары креативті индустриялар саласындағы мемлекеттік саясатты жүзеге асырады.

Заң мәтіні баспасөзде жарияланады.