Жоғары басқарушы кадрларды таңдау үшін банк халықаралық нарықта тендер өткізді. Лоттың сипаттамасында компанияның қаржы секторынан кандидаттарды іздеумен айналысуы қажет екендігі көрсетілген. Тендердің бюджеті 93 млн теңгені құрады. Өтінімдер 2025 жылдың 30 қаңтарына дейін қабылданды, бір ұсыныс түсті.
Жеткізушіге қойылатын негізгі талаптар:
- Соңғы үш жылда ТМД елдерінде халықаралық жұмыс тәжірибесі;
- Халықаралық нарықта топ-менеджерлерді таңдауда тәжірибе;
- Глобал деңгейде қаржы секторындағы 10-нан астам компаниямен ынтымақтастық және басқа критерийлер.
Еске сала кетейік, 2024 жылдың мамырында Lesha Bank LLC (Public) «НУХ «Байтерек» АҚ-дан қазақстандық Bereke Bank-ты сатып алды. Сату сомасы 65 млрд теңгені (532,4 млн катар риалы) құрады.
2025 жылдың 1 қаңтарына қарай Bereke Bank Қазақстанның банктері арасында активтер бойынша 10-орында болды. Активтердің көлемі 2,4 трлн теңгеге жетіп, несие портфелі 1,4 трлн теңгені, ал жеке және заңды тұлғалардың депозиттері 1,5 трлн теңгеден асты.