«КазМунайГаз» және «Татнефть» Каратон Подсолевой учаскесінде тереңдігі 5500 метр болатын алғашқы барлау ұңғымасын бұрғылауға кірісті, деп хабарлайды Kapital.kz бизнес ақпарат орталығының тілшісі КМГ баспасөз қызметіне сілтеме жасап.
Бұрғылау жұмыстарының басталуына ұлттық компанияның басқарма төрағасы Асхат Хасенов, «Татнефть» компаниясының бас директоры Наиль Маганов және КМГ басқармасының бірінші орынбасары Курманғазы Исқазиев қатысты.
«Каратон Подсолевой учаскесінде алғашқы барлау ұңғымасының бұрғылауының басталуы Қазақстанның ресурс базасын нығайту үшін маңызды қадам. Бұл жоба қорларды ұлғайту мен күрделі жер қойнауын игеруге бағытталған стратегиялық басымдықтарға деген біздің адалдығымызды көрсетеді. Біз «Татнефть» компаниясымен бірлескен күш-жігеріміздің айтарлықтай нәтиже беретіндігіне және еліміздің мұнай-газ әлеуетіне елеулі үлес қосатынына сенімдіміз», — деп атап өтті Асхат Хасенов.
«Біздің компания қазақстандық әріптестерімізбен түрлі бағыттар бойынша ынтымақтасуда. Бүгінгі оқиға — біздің ынтымақтастығымыздың сәтті жалғасуының практикалық дәлелі. Каратон Подсолевой учаскесінің жақсы әлеуеті бар, бұл Қазақстан үкіметінің жан-жақты қолдауы арқасында жаңа табысты бірлескен жобалардың негізіне айналуы мүмкін», — деді ПАО «Татнефть» бас директоры Наиль Маганов.
Каратон Подсолевой учаскесі Теңіз кен орнына және «Эмбамунайгаз» жұмыс істеп тұрған кен орындарына жақын орналасқан.