«Маңызды мәселелердің бірі – жылжымалы құрамның тозуы, бұл уақытында жаңартуды және модернизациялауды талап етеді. Қазіргі уақытта локомотив паркі 1 мың 807 бірліктен тұрады. Тозу деңгейі – 61%», — деп атап өтті Марат Қарабаев.
Оның айтуынша, жылжымалы құраммен қамтамасыз ету және парктің тозу деңгейін төмендету үшін биыл 185 локомотив сатып алынған.
«Келесі жылы 187 бірлік сатып алу жоспарланған, ал келесі үш жылда тағы 257 локомотив жеткізіледі. Нәтижесінде, бұл олардың тапшылығын толығымен жоюға мүмкіндік береді. Жүк вагондарына келер болсақ… 2026 жылға дейін Ұлттық оператормен қосымша 3 мың полувагон жеткізу жоспарлануда. Оның ішінде 800 бірлік биыл пайдалануға берілді», — деп атап өтті спикер.
Сол сияқты, жолаушылар вагондары паркі бойынша да осындай жұмыс жүргізіледі.
«Өткен жылы 118 жаңа вагон сатып алынды, биыл – 143 бірлік. Келесі жылы 226 вагон сатып алу жоспарлануда. Жалпы, 2029 жылға дейін шамамен 1200 бірлік жолаушылар вагондарын сатып алу жоспарланып отыр. Нәтижесінде, жолаушылар вагондары паркі 3 мың бірліктен асады және тозу деңгейін 38%-ға дейін төмендетуге мүмкіндік береді», — деп қорытындылады Қарабаев.