Қазақстан Республикасының Техникалық реттеу және метрология комитеті жаңа стандартты қоғамдық тамақтану саласы, соның ішінде тамақ жеткізу үшін бекітті. Бұл стандарт 2025 жылдың 1 қаңтарынан бастап күшіне енеді.
«Осы стандарттың қолданылуы қоғамдық тамақтану өнімдерін жеткізу нарығындағы талаптардың ашықтығы мен бірегейлігін қамтамасыз етеді, тұтынушылардың көрсетілетін қызметтерге деген сенім деңгейін арттырады және Қазақстан Республикасындағы азық-түлік қауіпсіздігі жүйесін нығайтуға ықпал етеді», — деді комитеттің төрайымы Жанна Есенбекова.
Комитетте жаңа стандартқа сәйкес, курьерлерде медициналық тексеруден өткендігін растайтын белгісі бар, белгіленген үлгідегі жеке медициналық кітапша болуы тиіс, сондай-ақ кәсіби гигиеналық дайындықтан өтуі қажет екендігін нақтылады.
Сонымен қатар, курьерлер қабылданған нормалар мен тәртіп ережелерін ұстануы қажет.
«Сонымен қатар, қоғамдық тамақтану өнімдерін тұтынушыларға тапсырыс бойынша көрсетілген мекен-жайға және тапсырыстарды алу пункттерінде жеткізу кезінде, тасымалдау барысында орауыштың сыртқы зақымдарын анықтау үшін тапсырыстардағы өнімдерді тексеруге мүмкіндік берілуі тиіс», — делінген МТИ хабарламасында.