Павлодардағы мұнай-химия зауытында (ПНХЗ) қысқы дизель отыны өндіріледі. Дизель отынын гидроочисту қондырғысын (ГО ДТ) қайта жаңарту кезеңінің екінші бөлігінде депарафинизация блогы салынып жатыр, деп хабарлады «ҚазМұнайГаз» ұлттық компаниясының баспасөз қызметі.
Жұмыстардың аяқталуы жыл соңына жоспарланған. ГО ДТ модернизациясы Shell компаниясының технологиясын пайдалана отырып жүргізілуде, бұл тек жазғы және аралық дизель отынын ғана емес, қысқы дизель отынын шығару мүмкіндігін береді, сонымен қатар қондырғының қазіргі қуатын жылына 2,3 млн тонна деңгейінде сақтайды.
2025 жылдың бірінші тоқсанында қуаты сағатына 12,5 мың текше метр болатын екінші сутек өндіру қондырғысының құрылысын бастау жоспарлануда (зауытта қазір сағатына 20 мың текше метр қуатымен қондырғы жұмыс істейді).
Air Liquide компаниясымен бірлескен жобаны іске қосу 2026 жылдың күзінде жоспарланған. Жобаға салынатын капиталдық инвестициялар 80 миллион еуродан астам деп бағаланады. Техникалық сутек мұнай өңдеуде маңызды рөл атқарады, ол бензин, авиациялық керосин және дизель отынын өндіру кезінде шикі мұнайды азот, күкірт және металдардан тазартуда қолданылады.
Осы жобаларды жүзеге асыру қысқы дизель отынын жоғары үшінші класс деңгейінде өндіруге мүмкіндік береді, бұл еліміздің солтүстік және шығыс өңірлерінде сұранысқа ие.