Олжас Бектенов жаңа әділет министріне міндеттер жүктеді.

Премьер-министр Олжас Бектенов жаңа министр Ерлан Сарсембаевты Әділет министрлігінің ұжымына таныстырды.

Үкімет басшысы Азамат Ескараевқа министр қызметіндегі атқарған жұмысы үшін алғыс білдіріп, кәсіби қызметінде табыс тіледі.

Ерлан Сарсембаевты таныстыру барысында Премьер-министр Мемлекет басшысы тарапынан Әділет министрлігі ұжымына жаңа министрдің жетекшілігімен қойылған бірқатар міндеттерді атап өтті. Атап айтқанда, елдің құқықтық жүйесін нығайту және «Заң және Тәртіп» принципін енгізу.

Олжас Бектенов Президент белгілеген мақсаттарға жету үшін Үкімет жұмысының тұрақты және сапалы заңнамалық қамтамасыз етуді талап ететінін атап өтті.

Парламентпен тығыз өзара әрекеттесудің, азаматтарға көрсетілетін заңгерлік қызметтердің сапасын арттырудың, нотариат және адвокатура институттарын жетілдірудің қажеттілігі белгіленді.

Сонымен қатар, Қазақстанның халықаралық аренадағы мүдделерін қорғау бойынша бірқатар тапсырмалар берілді.