Ақтөбе облысының Мұғалжар аудандық соты «Батыс» ЖШС «КТЖ-Грузовые перевозки» филиалының Жем локомотив депосының бастығына және оның сыбайластарына қатысты үкім шығарды.
Депо бастығы локомотив депосының кадр менеджері арқылы делдал ретінде 1,5 миллион теңге көлемінде пара алғаны үшін кінәлі деп танылды. Ол 3 жыл 6 ай мерзімге бас бостандығынан айырылды.
Сол үкіммен делдал 1 жыл 6 айға бас бостандығынан айырылды, пара берген тұлға мен оның көмекшісі 3 жылға бас бостандығынан айырылды.
Сотталғандар мемлекеттік қызметте және квазимемлекеттік сектор субъектілерінде лауазымдарды атқару құқығынан өмір бойы айрылды.
Сот актісі заңды күшіне енген жоқ.