«Мемлекет басшысының Жарлығымен Ескараев Азамат Несипбаевич әділет министрі қызметінен босатылды», — делінген ресми хабарламада.
Азамат Ескараев Қазақ мемлекеттік заң академиясының түлегі. Ол 2000 жылы Әділет министрлігінде маман ретінде мансабын бастады және 2005 жылға дейін түрлі лауазымдарда жұмыс істеді. Содан кейін Алматы қаласының әкіміне қарасты бас инспектор қызметін атқарды.
2006–2007 жылдары Ескараев «Қазына» тұрақты даму қорының заң қызметі департаментінде жұмыс істеді, одан кейін Әділет министрлігіне оралды.
2012-2014 жылдар аралығында Қазақстан Республикасының экономикалық және сыбайлас жемқорлық қылмыстарымен күрес агенттігінің инспекциясы ұйымдастыру-бақылау департаментін басқарды. 2014-2019 жылдары премьер-министрдің канцеляриясында заң бөлімі меңгерушісінің орынбасары болды, ал 2019 жылдан 2023 жылдың қаңтарына дейін осы бөлімді басқарды.
2023 жылғы 4 қаңтарда Президенттің Жарлығымен Азамат Ескараев әділет министрі қызметіне тағайындалды.
Кейін Акорда Қазақстанның жаңа әділет министрі Ерлан Сарсембаев екенін хабарлады.