Кофенің тұрақты тұтынуы ішекте L. asaccharolyticus бактерияларының потенциалды пайдалы санының артуына себеп болады. Бұл туралы Вашингтон университетінің Медициналық мектебінің ғалымдары мәлімдеді. Зерттеу нәтижелері Nature Microbiology журналында жарияланды, деп хабарлайды Tengri Life Газета.Ru-ға сілтеме жасап.
Зерттеуге әлемнің түрлі елдерінен 77 мыңнан астам адам қатысты. Алдымен, еріктілерден өздерінің тамақтану рационы туралы ақпарат беру сұралды. Зерттеу авторлары әсіресе кофе тұтыну әдеттеріне қызығушылық танытты. Содан кейін ғалымдар еріктілерден ішек микробиотасының құрамын талдау үшін нәжіс үлгілерін тапсыруды сұрады.
Кофе сүйер қауымның және оны тұтынбайтын адамдардың ішек микробиомасының деректерін салыстыра отырып, ғалымдар айтарлықтай айырмашылықтарды анықтады. Кофе тұтынатын адамдарда Lawsonibacter asaccharolyticus бактерияларының деңгейі кофе ішпейтіндермен салыстырғанда сегіз есе жоғары болды. Бұл заңдылық зерттеу қатысушыларының тұратын аймағына қарамастан байқалды.
Қазіргі уақытта ғалымдар L. asaccharolyticus деңгейінің жоғарылауы адамның денсаулығына қалай әсер ететінін әлі түсінбейді. Дегенмен, олар бұл феноменнің кофеның организмге оң әсерімен байланысты болуы мүмкін деп болжайды, бұл ғылыми зерттеулерде бұрыннан бері атап өтілген.
Бұрын ғалымдар еріген кофенің теломерлердің (хромосомалардың ұштарымен аяқталатын учаскелер) ұзындығына әсер етіп, қартаюды тездететінін анықтаған. Ал ұнтақталған дәндерден жасалған кофе мұндай салдарға әкелмейді.