Гани Бейсембаев брифинг барысында аймақтық денсаулық сақтау басқармасының Семейде шыршаны безендіру кезінде зардап шеккен мұғалімді емдеу, оңалту және жұмысқа қайтару мәселесін бақылауда ұстап отырғанын мәлімдеді.
Естеріңізге сала кетейік, Семей қаласының әкімдігіне қалалық шыршаны орнатуға ақша бөлінбеген, сондықтан мұғалімдер тартылды. Безендіру кезінде бес метр биіктіктен құлаған мұғалім зардап шекті. Нәтижесінде үш мектептің директорлары жұмыстан шығарылды, безендіруге қатысқан мұғалімдерге қатаң ескерту берілді, сондай-ақ қала әкімінің орынбасары да жауапқа тартылды.
Министр Бейсембаев, мұғалімдерді спецификаға жатпайтын жұмыстарға тарту жағдайларының қайталанбауы үшін білім басқармасының басшылары мен әкімнің орынбасарларымен шұғыл жиналыс өткізілгенін айтты. Педагогтардың мәртебесін бұзушылықтар бойынша тексеру жүргізу үшін Білім сапасын қамтамасыз ету департаментіне тапсырма берілді, бұл тек осы жағдаймен шектелмей, бүкіл ел бойынша жүзеге асырылады.