2024 жылдың қорытындысы бойынша Алматы индустриалды аймағында (ИАА) жалпы құны 25,17 миллиард теңге болатын 10 жаңа жоба іске қосылды. Кәсіпорындарда 1 319 жұмыс орны құрылды, деп хабарлайды Алматы әкімдігінің баспасөз қызметіне сілтеме жасап, Kapital.kz бизнес ақпарат орталығының тілшісі.
Жобалардың арасында бес өндірістік кәсіпорын бар. Бұлар - тұрмыстық химия және жеке гигиена құралдарын өндіретін зауыт; халықаралық төлем жүйелерінің банк карталарын өндіретін зауыт; толық циклды темір-бетон бұйымдарын өндіретін зауыт; автомобильдер үшін электрондық аудио және бейнеқұралдарды өндіретін зауыт; және кабель-өткізгіш өнімдерін шығаратын өндірістік кешен.
2024 жылы Алматы индустриалды аймағында 3000-5100 шаршы метр аумақты қамтитын бес кіші өндірістік парк салынды. Олардың құрылысында жеке инвесторлар 2,27 миллиард теңгеден астам қаржы жұмсады, 614 жұмыс орнын құру жоспарлануда.
Алматы индустриалды аймағының қатысушылары 556,8 миллиард теңге көлеміндегі жобалары бар 107 компания, 14 496 жұмыс орны құрылды. 2016 жылдан 2024 жылға дейін ИАА аумағында жалпы құны 139,1 миллиард теңге болатын 40 жоба жүзеге асырылды. Кәсіпорындарда 4 403 жұмыс орны құрылды.