Резонансты іс Атырау облысының мамандандырылған аралық сотында қаралды.
Атырау облыстық сотының баспасөз қызметі хабарлағандай, айыпталушы зардап шегушімен кездескен, бірақ кейінірек келіспеушіліктердің салдарынан қарым-қатынасты тоқтатуға шешім қабылдаған. Алайда, ол оны үнемі мазалап, екінші қабаттағы терезеден пәтеріне кіріп, егер ол онымен қарым-қатынасты жалғастырмаса, бензинмен өртеп жіберемін деп қорқытқан.
Сол күні оқиғалар былай өрбіді. Айыпталушы зардап шегушінің жатын бөлмесіндегі терезеден кіріп, оған пышақпен шабуыл жасап, өлтіремін деп қорқытқан. Өміріне қауіп төнген әйел оған бірінші некесінен туған балалары ұйықтап жатқанын айтып, донер алғысы келетінін айтты. Осылайша, алдап, айыпталушыны пәтерден шығарып, танысынан көмек сұрады. Танысы айыпталушыға зардап шегушіні мазаламауды айтты. Алайда, айыпталушының қайта оралатынын білген әйел, танысынан балаларымен бірге қалуын сұрады.
Айыпталушы, зардап шегуші мен оның танысының бірге пәтерге кіргенін көріп, ашуланып, 5 литрлік бензин бөтелкесін сатып алып, запалка мен қағазды алып, қайтадан пәтерге кірді.
Пәтерде екі кішкентай бала мен зардап шегушінің танысы ұйықтап жатқанын білген ол, бензинмен пәтерді өртеп, қашып кетті. Өрт қатты өршіп кетті. Күшті күйік алған зардап шегуші балаларға жете алмай, оларды құтқара алмады. Оның танысы терезені сындырып, олар әйелмен бірге көшеге секірді. Нәтижесінде пәтерде зардап шегушінің 10 жастағы ұлы мен 7 жастағы қызы қаза тапты, өзі 90% дене күйігімен ауруханада көз жұмды, танысы аман қалды.
Айыпталушының кінәсі зардап шегушілердің, куәлардың көрсетулері, оқиға орнын тексеру хаттамалары, сараптама қорытындылары, бейнемазмұндарымен дәлелденді. Сараптама қорытындысы ер адамның аффект жағдайында болмағанын және психикалық тұрғыдан сау екенін көрсетті.
Прокурор мен зардап шегушілер айыпталушыны өмір бойына бас бостандығынан айыруды сұрады. Ол кінәсін мойындамады, аффект жағдайында болғанын айтып, өзін ақтауды сұрады. Қорғау тарапынан айыпталушыны ақтауды сұрады. Сот жеңілдететін жағдайларды анықтаған жоқ. Оны кінәлі деп таныды.
Сот үкімі заңды күшіне енген жоқ.