Қазақстан Республикасы Үкіметінің отырысында теміржол қозғалыс құрамын және вагон паркін жаңарту туралы баяндамасы барысында министр Марат Карабаев осындай жоспарлар туралы айтты.
Карабаев қазіргі таңда вагондардың (1,8 мың бірлік) тозу деңгейі 61% құрайтынын нақтылады.
«Қозғалыс құрамын жаңарту және парктің тозуын азайту мақсатында биыл 185 локомотив сатып алынды. Келесі жылы тағы 187 бірлік сатып алу жоспарланған, ал келесі үш жыл ішінде 257 локомотив жеткізу күтілуде. Бұл олардың тапшылығын толық жоюға мүмкіндік береді», — деді Марат Карабаев.
Елдегі жүк вагондарының жалпы паркі 139 мың бірлікті құрайды.
Нарықта 300-ден астам жеке оператор жұмыс істейді, ал «Қазақстан темір жолы» әлеуметтік маңызы бар тасымалдар үшін, соның ішінде халыққа көмір жеткізу және энергетика секторын қамтамасыз ету үшін пайдаланылатын 38 мың вагонға иелік етеді.
Ұлттық оператор 2026 жылға дейін 3 мың полувагонды қосымша енгізуді жоспарлап отыр, олардың 800-і биылғы жылы пайдалануға берілді.
«Жолаушылар вагондарын жаңартуға ерекше назар аударылуда. Өткен жылы 118 вагон сатып алынса, биыл 143, келесі жылы 226 бірлік сатып алу жоспарлануда. 2029 жылға дейін шамамен 1200 жолаушылар вагонын сатып алу көзделуде, бұл олардың жалпы санын 3 мыңнан астамға арттыруға және тозу деңгейін 38%-ға дейін төмендетуге мүмкіндік береді.
Бұл мақсаттарды іске асыру үшін отандық өндірістегі вагондарды жалға беру және сатып алу мүмкіндігімен біріктірілген лизингтік компания құру ұсынылды», — деді Марат Карабаев.