2025 жылдың 1 қаңтарынан бастап Қазақстанда халықты әлеуметтік қорғау саласындағы арнайы әлеуметтік қызметтерді (АӘҚ) лицензиялау енгізіледі, деп хабарлайды Kapital.kz бизнес ақпарат орталығы еңбек және халықты әлеуметтік қорғау министрлігінің баспасөз қызметіне сілтеме жасап.
Еңбек министрлігінде атап өткендей, лицензиялау олардың сапасын жақсартуға және осы саладағы құқық бұзушылықтардың санын азайтуға жағдай жасайды.
Лицензиялаудың енгізілуі арнайы әлеуметтік қызметтерді ұсыну жүйесін модернизациялаудың бір кезеңі болып табылады және мына мақсаттарға бағытталған:
- көрсетілетін қызметтердің сапасын арттыру;
- қызмет алушылардың құқықтарын қорғау және қауіпсіздікті қамтамасыз ету;
- АӘҚ көрсететін ұйымдар үшін бірыңғай стандарттарды белгілеу.
Лицензиялауға арнайы әлеуметтік қызметтерді көрсететін барлық меншік нысасындағы ұйымдар жатады.
Лицензия алу үшін негізгі шарттардың бірі ретінде анықталған:
- АӘҚ көрсету үшін санитарлық нормалар мен өрт қауіпсіздігі ережелеріне сәйкес келетін ғимараттың болуы;
- қажетті материалдық-техникалық базаның және қызметкерлер штатының болуы;
- ғимараттың аз қозғалмалы топтарға қолжетімділігін қамтамасыз ету және басқалар.
2024 жылдың қазанынан бастап ҚР Еңбек және халықты әлеуметтік қорғау министрлігінің әлеуметтік қорғау саласындағы реттеу және бақылау комитетінің аумақтық департаменттері лицензияға дейінгі талдау жүргізді, жергілікті атқарушы органдармен және ҮЕҰ-мен бірлесіп АӘҚ көрсететін барлық ұйымдарды лицензиялауға дайындық мәселелері қарастырылды.
Лицензия алу үшін өтінім әлеуметтік қызметтер порталы (aleumet.egov.kz) арқылы беріледі.