Қонаевта заманауи балық шаруашылығы кешенінің алғашқы кезеңі аяқталды. Кәсіпорында жылына 10 мың тоннаға дейін форель мен баррамунди өсірілетін болады, деп хабарлайды Kapital.kz бизнес ақпарат орталығының тілшісі ауыл шаруашылығы министрлігінің баспасөз қызметіне сілтеме жасап.
Кешеннің құрылысы 35 гектар аумақта 2021 жылы басталды. 2023 жылдың қазанында 25 мың дана форель және баррамунди шабақтарын отырғызу бойынша алғашқы сынақ жүргізілді. 2024 жылы құрылыс жұмыстарының бірінші кезеңі аяқталады. Кешен технологиялық, әкімшілік-тұрмыстық және инженерлік-техникалық блоктардан тұрады. Кәсіпорында әкелінген балықты орналастыру үшін бассейндер, сүзгі қондырғылары, инкубациялық резервуарлар, артемия мен коловраткаларды қамтитын тірі азық өсіру цехтары салынды.
«Оспанова Девелопмент» компаниясының жобаның жалпы құны 67,3 миллиард теңгені құрайды,
Өнімнің негізгі нарықтары Қазақстан Республикасы мен ТМД елдері болады деп күтілуде.
Бұған дейін Түркістан облысының Төлеби ауданында балық шаруашылығымен айналысатын кәсіпкерлер саны 16-ға жеткені белгілі болды. Өткен жылы төрт кәсіпкер жеке қаражат есебінен балық шаруашылықтарын ашты.
2024 жылдың қаңтар–қыркүйек айларында елде 9,3 мың тонна дайындалған немесе басқа тәсілмен консервіленген балық, сондай-ақ уылдырық және оның алмастырғыштары өндірілді — бұл 2023 жылдың сәйкес кезеңімен салыстырғанда 10,5% төмен.