«Заң мен тәртіп» принципіне сәйкес, Сыбайлас жемқорлыққа қарсы агенттік жемқорлық схемасына қатысқан үш адамды жауапқа тартты.
Кәсіпкер Длужевский К. экология департаментінің басшысы Алиев Д.-ға алтын өндіруге рұқсат алу үшін 4,5 млн теңге көлемінде пара берген. Бұл схемада делдал болған Журкабаев М.
Олардың барлығы сот тарапынан кінәлі деп танылып, әртүрлі мерзімдерге жазаға тартылды. Алиев 4 жылға бас бостандығынан айырылды, Журкабаев — 1 жыл 6 ай, Длужевский — 3 жыл 6 ай бас бостандығынан айырылып, пайдалы қазбаларды өндіру саласында басқарушы лауазымдарды 5 жылға атқару құқығынан айырылды.
Сонымен қатар, барлық сотталғандар мемлекеттік қызметте және квази-мемлекеттік секторда басқарушы лауазымдарды өмір бойы атқару құқығынан айырылды.
Сот шешімі әлі заңды күшіне енген жоқ.
Мұндай инциденттердің алдын алу мақсатында сот шешімі экология комитетінің қызметкерлері мен оның аумақтық бөлімшелері қатысқан онлайн режимінде жарияланды.