«Мақсат — РПЛ-ға шығу». Қазақстан жастар құрамасының футболшысы Ресейде қалуды жоспарлап отыр.

Қазақстанның U-21 жастар құрамасының жартылай қорғаушысы Давид Есимбеков Meta-ratings.kz сайтына берген сұхбатында ресейлік «Черноморец» командасының маусымның екінші жартысындағы мақсаттары туралы айтып берді, деп хабарлайды Sports.kz.

— «Черноморец» сені қалдырғысы келе ме?
— Көрейік, өйткені команда қазір кестенің жоғарғы бөлігінде. Міндет — РПЛ-ға шығу. Әрине, мен қалғым келеді және командаға пайда әкелгім келеді.

Есімізге сала кетейік, өткен жылдың басында Есимбеков Кипрдің «Арис» клубында сынақтан өтті, оны бұрын «Қайраттың» бапкері болған Алексей Шпилевский жаттықтырады. Алайда, кейінірек жартылай қорғаушы 2027 жылға дейін ресейлік «Черноморец» клубымен келісімшартқа отырғаны белгілі болды.

Өткен маусымның соңын Есимбеков астаналық «Женис» командасында өткізді, онда ол жалға ойнады. Қазақстандағы маусым аяқталғаннан кейін Есимбеков новороссийскілік «Черноморецке» оралды.