Қазіргі заманғы диетологтар тамақты жаман және жақсы деп бөлу адамды тамақтану тәртібінің бұзылуына әкелуі мүмкін екенін айтады. Дегенмен, майлы және өңделген тағамдардың тым көп мөлшері денсаулыққа, әсіресе жүрек-қан тамырлары жүйесіне зиян келтіретіні ешкімге құпия емес. Ал, ғалымдардың анықтағанындай, егер зиянды тағамдарды дұрыс сусындармен үйлестірсе, тағам жүрекке пайдалы болады, сонымен қатар адам сергектік пен жақсы көңіл-күйді сезінеді, деп хабарлайды Tengri Life DoctorPiter-ге сілтеме жасап.
Бұл зерттеу Food & Function ғылыми журналында жарияланды. Оған дене салмағының индексі қалыпты деңгейде 23 адам қатысты. Экспериментке қатысушылардың орташа жасы 22 жасты құрады.
"Олардың әрқайсысы дәрігерлер ұсынғаннан гөрі, май мен қантты көбірек жеді. Сонымен қатар, бәрінде талшықтың жетіспеушілігі болды", - делінген мақалада.
Зерттеу қатысушылары таңғы ас ретінде 10 грамм тұздалған майы бар екі круассан, бір жарым тілім чеддер ірімшігі және 250 миллилитр толық сүт алды.
Одан кейін қатысушылардың жартысы флаванолдардың төмен құрамымен (шамамен 5,6 миллиграмм) какао ішті, ал қалғандары флаванолдардың жоғары құрамымен (695 миллиграмм) какао ішті.
Содан кейін еріктілерге 8 минуттық кішігірім тынығу берілді. Кейін олар 8 минуттық ауызша арифметика тестін орындауы керек болды. Нәтижесіз жауаптар болған жағдайда тапсырманы орындау уақыты ұлғайды.
16 минут ішінде ғалымдар барлық қатысушылардың қолының қан айналымын, жүрек белсенділігін және префронтальды қыртыстағы оттегі деңгейін өлшеді - бұл шешім қабылдауда, жоспарлауда және назарда маңызды рөл атқаратын ми аймағы.
Тапсырмаларды орындау жүрек соғу жиілігі мен қысымды айтарлықтай арттырды - әсері күнделікті стресс әсерімен салыстырмалы болды.
Ғалымдар сонымен қатар флаванолдардың төмен құрамымен сусын алғандарда қан тамырларының функциясының төмендеуі 90 минутқа дейін созылғанын анықтады. Ал, флаванолдармен байытылған сусын алғандардың бұл көрсеткіші небәрі жарты сағатты құрады.
"Күшті стресс тамырларға зиян келтіруі мүмкін, ал майлы тағамдар әдетте олардың қалпына келуін баяулатады. Ғалымдардың анықтағанындай, флаванолдары бар өнімдер бұл әсерді жояды", - делінген мақалада.
Егер какао адамға ұнамаса, оны жасыл шаймен алмастыруға болады. Бірақ сусынның тиімді болуы үшін оны тамақтан кейін бір сағаттан соң ішу керек, деп жазады басылым.
Сонымен қатар, майлы тағамнан кейін кішкене бір уыс жидек жеуге болады: оларда да көп флаванол бар.
Бұған дейін норвегиялық зерттеушілер кофе түрлерінің ең пайдалы екі түрін анықтады.