Алматы қалалық денсаулық сақтау басқармасының міндетін атқарушы басшысы тағайындалды.

Алматы қалалық әкімдігінің баспасөз қызметінің хабарлауынша, қала әкімі Ерболат Досаевтың бұйрығымен Алматы қаласының қоғамдық денсаулық сақтау басқармасының уақытша басшысы болып Аканова Асия Айкановна тағайындалды.

Асия Аканова дәрігерлер отбасында дүниеге келіп, өскен. "Болашақ" бағдарламасының түлегі, University College London-ды (2013) және Асфендияров атындағы Қазақ ұлттық медицина университетін (2015) бітірген, "Жалпы медицина" мамандығы бойынша докторантураны (2016) тәмамдаған. Сонымен қатар, Қазақстан Республикасы Президентінің жанындағы мемлекеттік басқару академиясын "Жергілікті және мемлекеттік басқару" мамандығы бойынша (2024) аяқтаған. Іскерлік әкімшілендіру магистрі дәрежесіне ие.

Асия Аканова еңбек жолын 2011 жылы лаборант және әдіскер, кейіннен КазНМУ-дың отбасылық медицина кафедрасының доценті болып бастаған, кейін кафедра меңгерушісі қызметін атқарған. 2018 жылдан 2020 жылға дейін Алматыда белсенді ұзақ өмір сүру орталығын ашу және басқару жұмыстарымен айналысқан.

2022 жылдан қазіргі уақытқа дейін Алматы қаласының VIII шақырылған мәслихатының депутаты болып табылады.

Сонымен қатар, бүгінгі күнге дейін әл-Фараби атындағы Қазақ ұлттық университетінің отбасылық медицина кафедрасында доцент болып ғылыми-педагогикалық қызметін жалғастыруда.

Қосымша, ИС "Параграф" мәліметтеріне сәйкес, Алматы қалалық қоғамдық денсаулық сақтау басқармасының бұрынғы басшысы Шаметеков Иран Маратович биылғы жылдың тамыз айында атқаратын қызметінен кеткен. Қазіргі уақытта ол Нұр-Сұлтан қаласы бойынша ҚР Денсаулық сақтау министрлігінің Медициналық және фармацевтикалық бақылау комитетінің басқарма басшысы болып жұмыс істейді.

Эксклюзивті контент және жаңалықтар тек сіздер үшін! Telegram-ға жазылыңыз!