Қазақстанда жаңа автожол ақпараттық жүйесі ресми түрде іске қосылды.
2024 жылғы 30 қазандағы №354 бұйрығына сәйкес "Жол-құрылыс материалдары мен жаңа технологиялардың Біртұтас базасы" ақпараттық жүйесін пилоттық енгізу Қазақстан Республикасы аумағында автомобиль жолдарын орташа және капитальды жөндеу, қайта құру және салу жобаларында 2024 жылдың 1 қарашасынан 2025 жылдың 31 қазанына дейін ұйымдастырылады.
Пилоттық енгізуді үйлестіруші ретінде "Қазақстан жол ғылыми-зерттеу институты" акционерлік қоғамы белгіленді.
Ведомстволық бұйрық жобасы ағымдағы жылдың шілде айында "Ашық НҚА" порталында келісу және қоғамдық талқылау кезеңдерінен өтті.
Жоба автомобиль жолдарында қолданылатын материалдар мен жаңа технологияларға қойылатын талаптарды арттыруға, сондай-ақ жол-құрылыс материалдары мен жаңа технологияларды жеткізушілер мен өндірушілерді таңдауда тиімділікті қамтамасыз етуге бағытталған.
"Пилотта" "КаздорНИИ", "КазАвтоЖол", Жол активтері сапасының ұлттық орталығы және облыстар, республикалық маңызы бар қалалар мен астана әкімдіктері қатысады.
Сонымен қатар, ерікті түрде жол-құрылыс материалдары, өнімдері, конструкциялары мен жаңа технологияларды жеткізушілер мен өндірушілер пилоттық енгізуге қатыса алады.
"КазАвтоЖол" және НЦКДА жобасы аясында аталған кезеңде "Жол-құрылыс материалдары мен жаңа технологиялардың Біртұтас базасына" енгізілген материалдар, өнімдер мен конструкциялар олардың статусы мен қолдану саласына сәйкес өз қызметінде пайдаланылатын болады.
"Единая база ДСМиНТ" ақпараттық жүйесі - ғылыми-зерттеу институтының ғалымдары мен IT-мамандарының өздігінен әзірлеген жобасы. Цифрлық өнімді жасау жұмыстары 2022 жылдың соңында ҚР Көлік министрлігінің тапсырмасы бойынша басталды.
"Жоба жолдардың сапасын жақсарту тапсырмаларына жауап беретін тиімді механизм ретінде ұсынылды. Құрылыс материалдары мен технологиялар олардың қасиеттері мен сапаларын тексерудің көп кезеңді процесінен өткеннен кейін, сондай-ақ жол құрылысындағы сарапшылар, ғалымдар, жобалаушылар және қоғамдық ұйымдардың өкілдерінен тұратын техникалық кеңеспен зерттелгеннен кейін Біртұтас базаға енгізіледі", — дейді "КаздорНИИ" жаңа технологиялар басқармасының жетекшісі Омирбекова Зауреш.