Қазақстан мен Жапония ынтымақтастықты нығайтуда.

Сенат спикері дипломатқа Астана мен Токио арасындағы саяси және экономикалық байланыстарды нығайтудағы жемісті ынтымақтастығы мен үлесі үшін алғыс білдірді. Атап айтқанда, экология, энергетика, ауыл шаруашылығы, ғылым, жоғары білім және юстиция салаларындағы тығыз ынтымақтастық туралы сөз болды.

Сонымен қатар, Маулен Ашимбаев Жапонияның Қазақстан үшін Азия-Тынық мұхиты аймағындағы маңызды серіктес екенін атап өтті. Осы орайда, екі елдің парламентаралық қатынастарын белсендіру қажеттілігін белгіледі.

Кездесу барысында Сенат төрағасы Қазақстан мен Жапония арасында өткен жылдар ішінде әртүрлі салаларда, соның ішінде Қазақстандық ғалымдардың Жапониядағы зерттеу орталықтарында ғылыми тағылымдамалар ұйымдастыру, су қамтамасыз ету және медициналық инфрақұрылымды жақсарту бойынша бірлескен жобалар мен бағдарламалар сәтті жүзеге асырылғанын атап өтті.

Өз кезегінде Елші Қазақстан тарапына белсенді өзара іс-қимыл үшін алғыс айтып, Қазақстанда жүргізіліп жатқан қоғамдық-саяси реформаларды жоғары бағалады, сондай-ақ Қазақстан мен Жапония арасындағы ынтымақтастықты одан әрі нығайтуға қызығушылық білдірді.