Алтынсарин атындағы Ұлттық білім академиясы Google for Education және Microsoft сынды екі жетекші Big Tech компанияларымен меморандумдарға қол қойды. Бұл серіктестік білім сапасын арттыру мақсатында инновациялық шешімдерді енгізуге мүмкіндік береді, деп хабарлады білім министрлігінің баспасөз қызметі.
Google for Education-мен педагогтардың жұмысын оңтайландыру, оқу процесін ұйымдастыру үшін заманауи құралдарды пайдалану жоспарлануда, бұл Қазақстан мектеп оқушыларының цифрлық мүмкіндіктерін кеңейтеді. Microsoft-пен ынтымақтастыққа бұлтты технологияларды әзірлеу және енгізу, сондай-ақ мұғалімдер мен оқушылар арасында цифрлық сауаттылықты арттыру кіреді.
«Үлкен технологиялық компаниялардың жаһандық офисімен меморандумдарға қол қою білім беру жүйесінің цифрлық трансформациясында маңызды қадам болып табылады. Бұл серіктестік аясында білім беру ортасында жасанды интеллектіні этикалық және жауапты түрде пайдалану ерекше назарда болады, бұл заманауи технологияларды оқу процесіне интеграциялау кезінде шешуші маңызға ие», — деді Алтынсарин академиясының вице-президенті Азамат Жумахмет.
Еске салайық, өткен жылдың қаңтарында білім министрі Гани Бейсембаев компания өкілдерімен кездесіп, тараптар одан әрі ынтымақтастық туралы келісімге келген болатын, ал бір жыл бұрын Алтынсарин академиясы Солтүстік Қазақстан облысында шағын комплектілі мектептердің әлеуетін дамыту бойынша Microsoft-пен бірлескен жобаны жүзеге асырған.