2024 жылдың 23 қазанынан 1 қарашасына дейін minerals.gov.kz порталы жаңа ЕПН платформасына көшу себепті уақытша қолжетімсіз болады. Жаңа платформада жұмыс істеу үшін пайдалы қазбаларды пайдаланушылар ЭЦП арқылы қайта тіркеуден өтуі қажет, деп хабарлайды Kapital.kz бизнес ақпарат орталығының тілшісі индустрия және құрылыс министрлігінің баспасөз қызметіне сілтеме жасап.
«E-qazyna.kz – геологиялық және тау-кен процестерінің цифрландыруында жаңа кезең, бұл мемлекеттік деректер мен қызметтермен жұмыс механизмін пайдаланушылар үшін түсінікті әрі ыңғайлы ететін болады», - деп атап өтті ведомство.
Жаңа платформада мыналар қолжетімді болады: барлау, пайдалы қазбаларды өндіру немесе жер асты суларын, емдік балшықтарды және қатты пайдалы қазбаларды барлау мен өндіруге арналған пайдалы қазбаларды пайдалану құқығы бойынша кепілдік келісімінің тіркелуі; жалпы таралған пайдалы қазбаларды барлау және өндіруге арналған кепілдік келісімі; қатты пайдалы қазбаларды қайта өңдеу туралы келісімнің жасалуы; пайдалы қазбаларды пайдалану келісімін өзгерту туралы қосымша келісім және кен орнының трансформациясына өтініш беру.
Келесі қызметтер ұсынылады - жою қорының пайдалануға рұқсат беру; барлау учаскесінде бір мың текше метрден асатын көлемде тау массасын алу және/немесе топырақты тасымалдауға рұқсат; пайдалы қазбаларды пайдалану келісіміне негізделген пайдалы қазбаларды пайдалану құқығын (пайда үлесін) беру рұқсаты; қатты пайдалы қазбаларды барлау немесе өндіруге лицензия; сондай-ақ пайдалы қазбаларды пайдалану құқықтарына байланысты объектілерді беру; жалпы таралған пайдалы қазбаларды өндіруге лицензия; старательдік лицензиялар және пайдалы қазбаларды пайдаланудың лицензиялық режиміне көшу аясында лицензиялар.
Лицензиялар мәселелері бойынша қосымша ақпарат алу үшін мына нөмірге хабарласуға болады – 87019991382, келісімшарттар бойынша – 87056503487, ЛКУ есептері бойынша – 87081882575.