Цифрлық даму, инновациялар және аэроғарыш өнеркәсібі министрлігінде мемлекеттік органдар мен электронды үкімет сайттарының жұмысы қалпына келтірілгенін хабарлады, деп жазады Kapital.kz бизнес ақпарат орталығының тілшісі ведомствоның баспасөз қызметіне сілтеме жасап.
«АО «Ұлттық ақпараттық технологиялар» тарапынан қолдау көрсетілетін қызметтердің, соның ішінде eGov.kz порталы, eGov Mobile мобильді қосымшасы, E-license және Ашық үкімет порталдары, мемлекеттік органдардың интернет-ресурстарының Біртұтас платформасы, сондай-ақ цифрлық құжаттар қызметінің жұмысы қалпына келтірілді. Сонымен қатар, халыққа қызмет көрсету орталықтарында және екінші деңгейдегі банктердің қосымшаларында мемлекеттік қызметтерді алу процесі қалпына келтірілді. Көрсетілген қолайсыздықтар үшін кешірім сұраймыз», - делінген министрліктің хабарламасында.
Айта кетейік, техникалық ақау салдарынан аталған қызметтер бірнеше сағат бойы жұмыс істемеді. Сонымен қатар, халыққа қызмет көрсету орталықтарындағы (ХҚО) қызметтер мен екінші деңгейдегі банктердің қосымшаларында мемлекеттік қызметтер алу мүмкіндігі болмады.